Under den årlege fredsfestivalen som Bømlo folkehøgskule arrangerer, deltok mellom anna Changemaker ved leiar Markus Nilsen på ein del av programmet. Og kvart år stemmer elevane på folkehøgskulen over kven av deltakarane som fortener ein fredspris, som består av eit smellvakkert diplom og faktisk ein liten pengesum til det gode arbeidet vinnaren driv. Og Changemaker vann årets avstemming! Så forrige veke var det utdeling der kommunikasjonskonsulenten i Changemaker tok imot prisen, i tillegg til å få lurt inn litt Changemaker-propaganda til elevane.
Her er ein videosnutt om festivalen frå avisa Sunnhordland.
PRISUTDELING: Kommunikasjonskonsulent i Changemaker, Vegard T. Foseide, tok imot prisen frå festivalsjef Lydia Kirksæther.
Bømlo folkehøgskule er elles ein veldig kul skule, for frå hausten av skal dei ha eit eige Changemaker-valfag! Der kan elevane velje å bruke eit par timar i veka på Changemaker-relaterte aktivitetar - rett og slett rått!
LOKALAVIS: BømloNytt dekte fredsprisutdelinga.