Over halvvegs uti perioden for den andre politiske plattformen for dei raudgrøne, ser vi at det gjeld spesielt i handelspolitikken, meiner leiarane for dei tre raudgrøne ungdomspartia. I dag aksjonerte dei saman med Changemaker for å finne tilbake til måla om ein rettferdig handelspolitikk i regjeringserklæringa, ved å sette modellar av partileiarane på plass i eit stort Soria Moria-bilde.
CM-leiar Markus Nilsen set Stoltenberg på plass i AUFs sjukefråver.
Meir landbruk i Sør!
- Det trugar livsgrunnlaget for fattige bønder når billig mat blir dumpa på marknadene deira fordi det blir produsert for mykje i EU og USA. Eg forventar at regjeringa støttar utviklingslandas krav om ein skikkeleg tryggingssmoglegheit i WTO der dei kan stenge ute dumpa mat, seier Sandra Borch, leiar i Senterungdommen.
Senterungdomsleiar Sandra Borch set SP-leiar Navarsete på plass
I WTO har ikkje Noreg støtta utviklingslandas krav om ein fungerande antidumpingsmekanisme på landbruksvarer. På same tid har Noreg klart å beskytte seg mot dumping av 581 ulike landbruksvarer i gjeldande WTO-regelverk.
Rettferdig handel krev openheit
- Handel kan vere viktig for utvikling, men kan òg vere skadeleg. Difor må det vere rettferdig handel. For å unngå skadelege konsekvensar av handelen, må vi ha større openheit rundt handelspolitikken. Vi må få større innsyn i kva dei norske posisjonane i forhandlingar faktisk er. Vi kan ikkje ha det sånn at departement kan gå på autopilot for frihandel, seier leiar i SU, Olav Magnus Linge.
%20set%20Halvorsen%20p%c3%a5%20plass460.jpg "SU-leiar Olav Magnus Linge")
SU-leiar Olav M. Linge set SV-leiar Halvorsen på plass
Når NHD forhandlar om handelsavtalar med enkeltland, får sivilsamfunnet vite veldig lite om norske posisjonar. Dette i kontrast med Soria Moria 2-politikken: [..Regjeringa vil sørgje for ei god informasjonsformidling til den norske ålmenta om gangen i forhandlingane og dei norske posisjonane.].
- Velferdsstaten vår er bygd på god norsk politikk gjennom heile forrige århundre. Vi kan ikkje nekte fattige land høvet til å utvikle eigne velferdsstatar med aktiv næringspolitikk, seier leiar i AUF, Eskil Pedersen (vart diverre sjuk, og kunne ikkje kome til aksjonen).
Noreg har bygd mykje av rikdommen sin på å stille strenge krav til utanlandske selskap sine investeringar i vasskraft og olje. I Soria Moria 2 lover regjeringa å [..ikkje må ta frå fattige land styringsrett og verkemiddel som har vore viktige for å utvikle vårt eige samfunn til eit velferdssamfunn.]. I WTO har Noreg i lag med ei rekke rike land pressa fattige i land til liberalisering av energitenester.
Aksjonen er i samband med Changemakers kampanje for ein meir rettferdig handelspolitikk, få meir info og skriv under her.